بیروڕا

لاواز كردنی پێگەی ئیسلامیەكان زۆر ترسناكە

بەشداری هەڵبژاردن بكەن و ساحەكە تەسلیم بەعەلمانیەكان مەكەن، هەمان هەڵەی ئەهلی سوننە لەعێراق دووبارە مەكەنەوە كە بەتەواوی دوور كەوتنەوە لە دەسەڵات و تەواوی حوكمیان تەسلیم بە شیعە كرد لەعێراق، دەنگدان و هەڵبژاردن لەڕووی شەرعیدا هیچی تێدانیە لەبارو دۆخێكی وەكو ئەوڕۆ دا .

گەورەترین گوماریی ئەو گومڕایەیە (ئەو كەسانەت پێگومڕابی)بەشداری هەڵبژاردن دەكەن، پەرلەمانێك بتەوێ یان نەتەوێ دێتە بوون ، كوا ئەو بوونە كەسانێكی خاوەن دینی تێدابێ ووو كوا ئەو بوونە تەنها عەلمانیەكان تێیدا خاوەن بڕیاڕ بن، ئەوانەی دەڵین هەڵبژاردن جائیز نیە ئەوانە (بەجیهاد و قیتال و جەنگ و گۆڕان كاری سەربازیش رازی نیینە) و ئامادە نینە قسەی گەورە بەقوربان ی واقیعێكی تاڵ بكەن.

بەبێ ئینصافی دەزانم جوهدو ماندوو بون و هەوڵی لایەنە ئیسلامیەكان زەربی سفر بكرێ و بگوترێ هیچیان نەكردوە،هەموو ئەوانەی قسەی گەورە دەكەن كۆیان بكەیتەوە شوێنی تاكە حیزبێكی ئیسلامی ناگرنەوە.

بڕۆن بۆ دەنگدان و ئەو مافەی هەتە و ئەو وەرەقەیەی بەدەستەوەیە بیخە تەرازوی كەسیكی دیندار و بەئەخلاق و دڵسۆز بۆ خواو خاك و ئەو خەڵكە، نەچونت بۆ دەنگدان و هەڵبژاردن ناڕاستەو خۆ بەهێز كردنی عەلمانیەتەو عەلمانیەكان ئومێد و ئاواتیان هەڵوێستێكی لەو جۆرەیە.

گەورە مەرجەعیەكانی شیعە كەسی خۆیان دیاری كردوە و داوا دەكەن بەشداری بكەن و دەنگ بەفڵانە كەس بدن …. گەورە بیرمەندی عەلمانی و خەمخۆرەكانیان داوا دەكەن بەشداری دەنگدان بكەن ولیست و كەسایەتیە دیاری كراوەكانیان هەڵبژێرن كەچی لەو لاوە خەڵكێك بەناوی دینەوە خەڵكانێك بەگومڕا دەزانن كەبەشداری دەنگدان دەكەن .

بە واجیبی قیامەتی خۆمی دەزانم دیفاع لە پێگەی ئیسلامیەكان بكەم لەكوردستان زۆرم پێناخۆشە پێگەیان لاواز بكرێ .

تێبینی/ لە ساڵی ١٩٩٢ هەمان هەڵوێستم هەبووە بۆیە باكەس نەڵی هەڵوێستی تازەی تۆیە.

نوسینی: سرباز محمد حسن، ٢٩ی ئەیلولی ٢٠١٨

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Close