جیهانی ئیسلامیدونیا

ئیندۆنیزیا.. بومەلەرزەیەکی تری بەهێز ڕوویدا و کوژراوانی بومەلەرزەکەی پێشووش زیاتر لە ٣٤٠ کەسی تێپەڕاند

تیمەکانی فریاگوزاری ئیندۆنیزیا هێشتا خەریکی دەرهێنانی تەرمی قوربانیانی بومەلەرزەکەی ڕۆژی یەک شەممە بوون بەڵام بومەلەرزەیەکی تر ئەمڕۆ بە گوڕی ٦.٢ پلە بە پێوەری ڕێختەر ڕوویدایەوە.

بەگوێرەی سەرچاوەکان ژمارەی ئەو کەسانەی کە بەهۆی بومەلەرزەکەی ڕۆژی یەک شەممەوە گیانیان لەدەستداوە گەیشتووەتە زیاتر لە ٣٤٧ کەس.

بومەلەرزەکەی ڕۆژی یەک شەممە بە گوڕی ٦.٩ پلە بە پێوەری ڕێختەر بوو، چاوەڕوانیشدەکرێت کە ژمارەی ئەو کەسانەی گیانیان لەدەستداوە ڕوو لە هەڵکشان بکات، بەتایبەتیش دوای ئەوەی ئەمڕۆش بومەلەرزەیەکی تر ڕوویدا کە بە نزیکەیی هەمان گوڕی بومەلەرزەی پێشووی هەبوو (٦.٢ پلە).

سەرچاوەکان باس لەوە دەکەن کە تەنیا لە ناوچەیەکی دورگەکە بەناوی کایانگان زیاتر لە ١٢٠ کەس گیانیان لەدەستداوە. حکومەتیش ڕۆژی سێ شەممە ڕایگەیاند کە زیاتر لە ٢٠ هەزار کەس پێویستیان بە هاوکاری مرۆیی هەیە لە باکوری دورگەی لۆمبۆک و نزیکەی ٨٠٪ی بینا و باڵەخانەکان زیانیان بەرکەوتووە.

لە ٢٩ی تەموزەوە و لە ماوەی ١٠ ڕۆژدا سێ بومەلەرزە بە گوڕەکانی (٦.٤ – ٦.٩ – ٦.٢) ڕوویانداوە و لە یەکەم بومەلەرزەش کە لە ٢٩ی تەموز بوو ١٦ کەس گیانیان لەدەستدا و بومەلەرزەی دووەمیش بەم شێوەیە ئامارەکەی تێکەڵ بە بومەلەرزەی سێیەم دەبێت.

بەگوێرەی ڕاپۆرتێکی کەناڵی جەزیرەی ئینگلیزی بەهۆی بومەلەرزەکەوە هەزاران خانووی دورگەکە زیانیان بەرکەوتووە و زیاتر لە ١٥٦ هەزار کەسیش بێلانە بوون.

وێنەکان:

A man inspects the ruin of his house destroyed by Sunday’s earthquake in North Lombok. Picture: AP/Firdia Lisnawati

A woman cries next to her children shortly after the aftershock, which caused panic among evacuees sheltering after Sunday’s devastating earthquake. Picture: Adek Berry/AFP

An Indonesian man (L) tries to calm a woman shortly after today’s aftershock hit the area in Tanjung on Lombok. Picture: Adek Berry/AFP

Not again: Indonesian search and rescue members react shortly after an aftershock hits the area in Tanjung on Lombok island on Thursday. Picture: Adek Berry/AFP

A woman reacts shortly after a 6.2-magnitude aftershock hit Tanjung on Thursday [Adek Berry/AFP]

Villagers gather at a temporary shelter after fleeing their damaged village

ڤیدیۆ:

بومەلەرزەیەکیتر لە #ئیندۆنیزیا بە گوڕی ٦.٢ پلە بە پێوەری ڕێختەر ڕوویدادیمەنێک لە دەرەنجامی بومەلەرزەیەک

Posted by ‎ئیسلامی :: eslami‎ on Thursday, August 9, 2018

ساتی ڕزگارکردنی پیاوێک لەژێر داروپەردووی مزگەوتێکی ڕووخاو بەهۆی بومەلەرزە بەهێزەکەوە:

ساتی ڕزگارکردنی پیاوێک لەژێر داروپەردووی مزگەوتێکی ڕووخاو بەهۆی بومەلەرزە بەهێزەکەی ڕۆژی یەک شەممە.ژمارەی ئەو کەسانەی گیانیان لەدەستدا گەیشتووەتە زیاتر لە ٣٤٥ کەس.

Posted by ‎ئیسلامی :: eslami‎ on Thursday, August 9, 2018

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Close